Ayub Khawar
lahron men badan uchhalte hain
aao ki falak men Dubte hain
duniya ki hazar ne.amaton men
ham ek tujhi ko jante hain
ankhon se dukhon ke saare manzar
saras ki uḌaan uḌ ga.e hain
hanste hue be-ghubar chehre
be-vaj.h udaas ho rahe hain
kuchh dukh to ḳhushi ke baab men the
baaqi bhi nishan pa chuke hain
yuun bhi hai ki pyaar ke nashe men
kuchh soch ki log ro paḌe hain
savan ki tarah se log aa.e
ḳhushbu ki tarah se guzar ga.e hain
bahte hue do badan samundar
honTon ke kinare aa lage hain
ankhon men ye karbala ke manzar
apni hi ana ke rat-jage hain
Leave a Reply