Akhtar Ul Iman
umar yuun mujh se gurezan hai ki har gaam pe main
is ke daman se lipatta huun manata huun ise
vasta deta huun mahrumi o nakami ka
dastan abla-pai ki sunata huun ise
khvab adhure hain jo dohrata huun un khvabon ko
zakhm pinhan hain jo vo zakhm dikhata huun use
us se kahta huun tamanna ke lab-o-lahje men
ai miri jaan miri laila-e-tabinda-jabin
sunta huun tu hai miri laila-e-tabinda-jabin
sunta huun tu hai mah o mahr se bhi badh ke hasin
yuun na ho mujh se gurezan ki abhi tak main ne
janna tujh ko kuja paas se dekha bhi nahin
subh uth jaata huun jab murgh azaan dete hain
aur roti ke taaqub men nikal jaata huun
shaam ko dhor palatte hain chara-gahon se jab
shab-gizari ke liye main bhi palat aata huun
yuun na ho mujh se gurezan mira sarmaya abhi
khvab hi khvab hain khvabon ke siva kuchh bhi nahin
multavi karta raha kal pe tiri diid ko main
Leave a Reply