Rahman Hafeez
mire pas ru ko andaza nahin tha
main rasta tha magar sidha nahin tha
mujhe suraj pe ye bhi bartari thi
main raushan tha magar jalta nahin tha
safar ki aarzu kuchh didani thi
main qatra tha magar rukta nahin tha
jaḌen thiin saaya tha phal phuul bhi the
main jitna tha faqat utna nahin tha
vo lagta tha magar aisa nahin tha
samundar hi sahi gahra nahin tha
bhaḌak uTha jo tere ansuon se
vo mera zaḳhm tha sho.ala nahin tha
vo anhoni thi jo ho kar rahi thi
jo hona tha vahi hota nahin tha
kahan ki garmi-e-bazar duniya
main sikka tha magar chalta nahin tha
Leave a Reply