Poet
umr akhir hai junun kar luun baharan phir kahan
haath mat pakdo mira yaaro gireban phir kahan
chashm-e-tar par gar nahin karta hava par rahm kar
de le saaqi ham ko mai ye abr-e-baran phir kahan
yaar jab pahne javahir kar de ai dil ji nisar
jal chuk ai parvane ye rangin charaghan phir kahan
is tarah sayyad kab azad chhodega tumhen
bulbulo dhumen macha lo ye gulistan phir kahan
hai bahishton men ‘yaqin’ sab kuchh va-lekin dard naiin
bhar ke dil ro lijiye ye chashm-e-giryan phir kahan
Leave a Reply