Sufi

Khayal Wo Bhi Mere Zehn Ke Makan Mein Tha

khayal vo bhi mire zehn ke makan men tha

jo aaj tak na makin-e-guman ke dhyan men tha

vo dekhta raha hasrat se asman ki taraf

chhupa hua vo parinda jo saeban men tha

zamin pe koi samaat thi muntazir meri

sada ki shakl muallaq main asman men tha

mira nasib to khushiyon ki bhiid men aksar

charagh ki tarah raushan kisi dukan men tha

kabhi mujhe bhi to karna padega samjhauta

bahut dinon se ye khadsha mire guman men tha

tire saval ka kaise javab deta main

ki jab main khoya hua fikr ki udaan men tha

vahi to aag lagata phira gulistan men

jo ‘ahsan’ ahl-e-chaman men na baghban men tha

More Poems

Leave a Comment