Iffat Abbas
uljhi aqidaton ke bayanat ham-safar
jis raah bhi ga.e ye ḳharabat ham-safar
muskil-tarin ḳhvahish-e-tahqiq ka safar
pur-ḳhar raston pe mukafat ham-safar
dil ki taḌap ke vaste mahbub na-guzir
rah-e-vafa men gham ke kinayat ham-safar
thi dar-ba-dar ye aql to us ki talash men
lekin qadam qadam pe ḳhurafat ham-safar
ik ham ki har paḌav pe bechargi ka saath
ik vo ki har-qadam pe karamat ham-safar
saath apne jalva jalva bhaTakti hui nazar
be-tabiyon men shauq-e-mulaqat ham-safar
Leave a Reply