uljha us ki diid men
paḌa raha tamhid men
bhuul gaya is baar bhi
asar nahin takid men
sikha man ko marna
afsar ki ta.id men
rahna pal pal dhyan men
milna iid ke iid men
nama-bar likhva.ega
tujh se naam rasid men
us ki shakl utaar luun
gar aa jaa.e kashid men
kanch tarashun baiTh kar
hiire ki taqlid men
DhunD ḳhuda insan se
murshid dekh murid men
sifr ana ko maan kar
miT jaao tauhid men
mujhe musavvir mil gaya
chhupa hua tajrid men
Dhala ek junun ne
qatra marvarid men
kuchh be-himmat dhartiyan
jaḌi rahin ḳhurshid men
kyuun aata hai lauT kar
vahi qadim jadid men
vahid ko israr hai
kyuun itna tauhid men
Leave a Reply