ulfat ka dard-e-gham ka parastar kaun hai
duniya men ansuon ka talabgar kaun hai
ḳhushiyan chala huun banTne aansu sameT kar
uljhan hai mere samne haqdar kaun hai
zid par aḌe hue hain ye dil bhi dimagh bhi
ab dekhna hai in men asar-dar kaun hai
pahle talash kijiye manzil ki rahguzar
phir sochiye ki raah men divar kaun hai
kanon ko chhu ke guzri hai koi sada abhi
ye kaun aah bharta hai bimar kaun hai
is paar main huun aur ye TuuTi hui si naav
avaz de raha hai jo us paar kaun hai
Leave a Reply