ufuq se aag utar aa.i hai mire ghar bhi
shikast hote hain kya shahar apne andar bhi
ye ab-o-tab isi marhale pe ḳhatm nahin
koi charagh hai is aa.ine se bahar bhi
ḳhamir jis ne uThaya hai ḳhaak se mera
usi ne ḳhvab se khincha hai mera jauhar bhi
main DhunD lunga koi rasta palaTne ka
jo band hoga kabhi mujh pe aap ka dar bhi
kisi ke aks-e-munavvar ki chhuT se hai dang
to mere dam se hai ye a.ina mukaddar bhi
ye saill-e-shab hi nahin mere vaste jaari
ravan hai mere liye sub.h ka samundar bhi
dahakne vaale faqat phuul hi na the ‘sajid’
khile hue the inhi kyariyon men aḳhgar bhi
Leave a Reply