Ghulam Murtaza Rahi
kahin kahin se pur-asrar ho liya jaa.e
ki apne haq men bhi hamvar ho liya jaa.e
vo jis ne zaḳhm laga.e rakhega marham bhi
usi ka dil se taraf-dar ho liya jaa.e
yahi hai niind ka mansha ki ḳhvab-e-ghaflat se
sahih vaqt pe bedar ho liya jaa.e
girah-kusha.i-e-mauj-e-nafas bahana hai
ki is bahane se us paar ho liya jaa.e
kisi ki raah men aane ki ye bhi surat hai
ki saaya ke liye divar ho liya jaa.e
Leave a Reply