Haris Bilal
chehra tamam zindagi tasvir ek pal
itne tavil ḳhvab ki ta.abir ek pal
vo saans mere jism se ho kar guzar ga.i
Thahra nahin hadaf pe tira tiir ek pal
ik saneha ki raushni karta hai char-samt
ik lau ki chhoḌti nahin tasir ek pal
jaise kisi tane se juḌa ho tamam peḌ
mere azal abad se baghal-gir ek pal
sab kuchh na.e sire se banana paḌa mujhe
roki thi darmiyan men ta.amir ek pal
Leave a Reply