Poet
uf miri zindagi ki raat uf miri zindagi ke din
aisi na hai kisi ki raat aise na hain kisi ke din
ruḳh pe hai surḳhi-e-haya rang-e-nigah-e-surmagin
jan-e-bahar ban ga.e husn ki sadgi ke din
zindagi umid-var ek ada itaab ki
aankh men kaT ga.i thi raat haa.e vo barhami ke din
paanv baḌha ke chal diya aur main dekhta raha
aah shabab-e-be-ḳhatar haa.e hansi ḳhushi ke din
‘kaifi’-e-be-qarar ab dil se banegi kis tarah
hosh ki baat rah ga.i kaT ga.e be-ḳhudi ke din
Leave a Reply