uDne Ki Zid to chhoD Hawa Ki Hawas Nahin

Nivesh Sahu

uḌne ki zid to chhoḌ hava ki havas nahin

ham do parinde umr se ahl-e-qafas nahin

tere badan ke taab se hai darmiyan umas

lekin tujhe juda karun aisi umas nahin

ham la-makan hain kya jo tire dar pe hain khaḌe

aur is qadar azaab men bhi Tas se mas nahin

aisi siyah raat ke nindon se ḳhauf ho

aisa safed ḳhvab ke ankhon pe bas nahin

banhon men dekhta huun tiri main mira maqam

lekin mira maqam tiri dastaras nahin

ai meri sha.iri ke hunar mujh ko yuun na maar

ai astin ke saanp mujhe aur Das nahin

so is hisab se bhi hua saal bhar ka hijr

kahta hai aa.ega vo mira is baras nahin