Udas Ek Roz Kar Gaya Main to Kya Karoge

Poet

udaas ik roz kar gaya main to kya karoge

tumhara sha.ir huun mar gaya main to kya karoge

hazar hathon se main sameTe hue huun tum ko

agar kahin ḳhud bikhar gaya main to kya karoge

mire qadam se qadam mila kar to chal rahe ho

jo tum se aage guzar gaya main to kya karoge

kise pukaroge aur kis ko sada.en doge

sukut-e-jan men utar gaya men to kya karoge

jo dard sa ka.enat men hai vo dard ban kar

tumhare dil men utar gaya main to kya karoge

tumhari zulfon se khelte khelte kisi roz

hava se aage guzar gaya main to kya karoge

jo ham ne khaa.i thiin jiine marne ki saath qasmen

agar vo ḳhud toḌ kar gaya main to karoge