TuTta huun kabhi juḌta huun main
jagti aankh ka sapna huun main
apni surat ko tarasta huun main
aa.ina DhunDne nikla huun main
kabhi pinhan kabhi paida huun main
kis fusun-gar ka tamasha huun main
ḳhalish-e-ḳhar kabhi nik.hat-e-gul
har-nafas rang badalta huun main
dekhiye kis ki nazar paḌti hai
kab se showcase men rakkha huun main
koi tiryak nahin mera ilaaj
kushta-e-zahr-e-tamanna huun main
kabhi uThte hain mire daam bahut
kabhi be-mol bhi mahnga huun main
koi pahchane to kya pahchane
kabhi surat kabhi saaya huun main
atish-e-gham ki tamazat ke nisar
jitna tapta huun nikharta huun main
koi jaada hai na manzil ‘sabir’
apne hi gird bhaTakta huun main
Leave a Reply