TuT Kar Aalam-E-Ajza Mein Bikharte Hi Rahe

TuuT kar ālam-e-ajzā meñ bikharte hī rahe

naqsh-e-ta.amīr jahāñ ban ke bigaḌte hī rahe

apne hī vahm-o-tazabzub the ḳharābī kā sabab

ghar aqīdoñ ke basā.e to ujaḌte hī rahe

jaane kyā baat huī mausam-e-gul meñ ab ke

pañkh panchhī ke fazāoñ meñ bikharte hī rahe

chand yādoñ kī panāh-gāh meñ jaane kyuuñ ham

sāya-e-shām kī mānind simaTte hī rahe

ham ne har rañg se chehre ko sajāyā lekin

apnī pahchān ke āsār bigaḌte hī rahe

Leave a Comment