Tur-E-Dil KHarab Bana Par bigaD Gaya

tūr-e-dil ḳharāb banā par bigaḌ gayā

go shīsha-e-sharāb banā par bigaḌ gayā

lipTā jo us se ḳhvāb meñ maiñ aañkh khul ga.ī

kaam ai qusūr-e-ḳhvāb banā par bigaḌ gayā

har-chand misl-e-ḳhāna-e-duniyā-e-be-sabāt

maiñ ḳhānumāñ-ḳharāb banā par bigaḌ gayā

mumkin huī na tere pasīne se hamsarī

kis kis tarah gulāb banā par bigaḌ gayā

pursish ke saath afv bhī ai ‘mehr’ thā sharīk

daftar dam-e-hisāb banā par bigaḌ gayā

Leave a Comment