halat kya ye tere bichhaḌne se ho ga.e
lagta hai jaise ham kisi mele men kho ga.e
ankhen baras ga.iin to sukun dil ko mil gaya
badal to sirf sukhi zaminen bhigo ga.e
kitni kahaniyon se mila zindagi ko husn
kitne fasane vaqt ki chadar men so ga.e
ankhon se niind ruThi to nuqsan ye hua
mere hazaron ḳhvab mire dil men so ga.e
‘mansur’ muddaton se mujhe un ki hai talash
nafrat ke biij mere chaman men jo bo ga.e
Leave a Reply