Poet
shaida mujhe banaya gesu-e-ambarin ka
dil hi mira hua hai lo saanp astin ka
us ko ḳhayal aaya phir us but-e-hasin ka
allah hai nigahban mere dil-e-hazin ka
go paas vo nahin hain par dekhta huun har dam
leta huun main tasavvur se kaam durbin ka
huron ke zikr par main aaya nahin huun vaa.iz
mujh ko ḳhayal is dam aaya hai ik hasin ka
kuchh iztirab dil ka be-tabi-e-jigar kuchh
us ko suna diya yuun qissa kahin kahin ka
tujh ko jo hai mukarna mahshar men mere ḳhuun se
qatil chhuḌa le pahle dhabba tu astin ka
Leave a Reply