wajid-ali-shah-akhtar

Pada Hai Panw Mein Ab Silsila Mohabbat Ka

pada hai paanv men ab silsila mohabbat ka

bura hamara hua ho bhala mohabbat ka

jamal-e-saf ki muusa ko taab kab aai

jo dekhiye to hai talib khuda mohabbat ka

har ek dar pe hai gardish men mera kasa-e-chashm

vo shah-e-husn hua ye gada mohabbat ka

na sim-o-zar ki hai hajat na kuchh hukumat ki

ugaal de ke diya khun-baha mohabbat ka

kidhar se jaata tha ‘akhtar’ ye kya hua afsos

khuda bachae hua samna mohabbat ka

More Poems

Leave a Comment