ḳhud ko pa-basta-e-zanjir kiye ja chup-chap
ḳhvab sharminda-e-ta.abir kiye ja chup-chap
ḳhama-e-ranj-o-alam se ruḳh-e-kam-ma.egi par
nusrat-e-javedan tahrir kiye ja chup-chap
ye amal ba.is-e-taskin-e-junun bhi hoga
jazba-e-ishq ki ta.amir kiye ja chup-chap
gham-e-dauran ki aziyyat bhi to dil sahta hai
gham-e-janan ko bhi jagir kiye ja chup-chap
zaḳhm gahre to ba-zid shauq mire karta raha
us masiha.i ki tadbir kiye ja chup-chap
maqsad-e-zindagi khulta hi chala ja.ega
apne dil men use tasvir kiye ja chup-chap
sha.iri se hai ‘ḳhayal’ us ko shaghaf sheron men
apne jazbat ko tasḳhir kiye ja chup-chap
Leave a Reply