Suleman Khumar
tujh se bichhḌun to ye ḳhadsha hai akela ho ja.un
ghor tanha.i ke jangal ka main hissa ho ja.un
ik tire dam se hi shadab hai ye mera vajud
tu nazar pher le mujh se to main sahra ho ja.un
dil ki divaron pe marqum rahe naam mira
qabl is ke ki main bhula hua qissa ho ja.un
tu agar dil men basa le to banun main sha.ir
tu jo honTon pe saja le to main naghma ho ja.un
aisa ho jaa.e na sujhe tujhe kuchh mere siva
aisa ho jaa.e ki main hi tiri duniya ho ja.un
janta huun main tiri surma.i ankhon ka tilism
ik nazar mujh pe bhi main bhi tire jaisa ho ja.un
main adhura huun bahut tujh se bichhaḌ kar ai dost
tu jo mil jaa.e dobara to main saara ho ja.un
Leave a Reply