tum ko nahin hai yaad abhi kal ki baat hai
baham tha ittihad abhi kal ki baat hai
manzil thi ek jis pe baham gamzan rahe
bilkul na tha tazad abhi kal ki baat hai
ik raushni thi dil men bahut pak-o-saf the
aisa na tha inaad abhi kal ki baat hai
buniyad ḳhud hi aap ne rakkhi nifaq ki
shir-o-shakar the shaad abhi kal ki baat hai
sehn-e-chaman men apne ‘nazar’ thi ajab bahar
tha daur-e-abr-o-bad abhi kal ki baat hai
Leave a Reply