Owais Ahmad Dauran
tumhi sardar ho gulshan ke ye batla dena
koi ham-sar ho to divar men chunva dena
mutlaq-ul-hukm hain sab in dinon ghabra.e hue
ye ḳhabar us ke huzur aaj hi pahuncha dena
sar uTha.ega zamana ye kahe deta huun
junhi aisa ho use daar par khinchva dena
mere tarik makan men use hogi taklif
ai saba us ko gulistan hi men Thahra dena
us kisi chiiz pe bhule se bhi machla na kare
mere ‘dauran’ dil-e-pur-ḳhun ko ye samjha dena
Leave a Reply