Tumhaari Yaad Mein Aise Bhi Din Guzare Hain

tumhārī yaad meñ aise bhī din guzāre haiñ

ki baar baar tumheñ bas tumheñ pukāre haiñ

parā.e ḳhair parā.e haiñ un kā kyā shikva

hamāre apne hī dushman bane hamāre haiñ

hamārā jo bhī karo ab tumhārī marzī hai

ki ham hamāre nahīñ ab to ham tumhāre haiñ

tumhāre hijr meñ har raat yuuñ guzartī hai

ki ham akele haiñ chanda hai aur sitāre haiñ

ye jañg hai ki mohabbat hai kyā hai kyā mālūm

sabhī se jiit ga.e ham tumhīñ se haare haiñ

Leave a Comment