Ashu Mishra
tumhari shakl kisi shakl se milate hue
main kho gaya huun naya rasta banate hue
mira nasib ki patjhaḌ men khil ga.e hain phuul
vo haath aa laga hai haath azmate hue
main jhuuT bol duun lekin bura to lagta hai
tumhare sher kisi aur ko sunate hue
utar ke shaḳh se auron men ho gaya abad
ki umr kaaT di jis phuul ko khilate hue
akela main nahin mujrim shab-e-visal ka dost
thi teri phunk bhi shamil diya bujhate hue
tire jamal ki rangat nazar men rakhta huun
main canvas pe tasvir-e-gul banate hue
isi guman men shab bhar sharab piite rahe
ki ab vo haath ko rokega haq jatate hue
Leave a Reply