ahsan-marahravi

Tumhaari Lan-Tarani Ke Karishme dekhe-Bhaale Hain

tumhari lan-tarani ke karishme dekhe-bhale hain

chalo ab samne aa jaao ham bhi aankh vaale hain

na kyunkar rashk-e-dushman se ḳhalish ho ḳhar-e-hasrat ki

ye vo kanTa hai jis se paanv men kya dil men chhale hain

ye sadma jiite ji dil se hamare ja nahin sakta

unhen vo bhule baiThe hain jo un par marne vaale hain

hamari zindagi se tang hota hai abas koi

gham-e-ulfat salamat hai to kai din jiine vaale hain

‘amir’ o ‘dagh’ tak ye imtiyaz o farq tha ‘ahsan’

kahan ab lucknow vaale kahan ab dilli vaale hain

More Poems

Leave a Comment