poet

Dilon Se Uthne Lagega Dhuan To Kya Hoga

dilon se uthne lagega dhuan to kya hoga

badal gaya kabhi rang-e-jahan to kya hoga

machal gaya jo dil-e-na-tavan to kya hoga

utha na ishq ka bar-e-giran to kya hoga

hamen fareb-e-mohabbat qubul hai lekin

jo khul gai kabhi dil ki zaban to kya hoga

ham ahl-e-dil hain kisi imtihan se kya Darte

liya falak ne tira imtihan to kya hoga

hazar dard samete hue huun ik dil men

bikhar gai jo miri dastan to kya hoga

‘hayat’ kis ko dikhaungi abgina-e-dil

mila na koi yahan qadr-dan to kya hoga

More Poems

Leave a Comment