tumhare shahr men itne makan gire kaise
mire aziiz Thikane dhuan hue kaise
main shahr-e-jabr se guzra to suraḳh-ru ho kar
unhen ye fikr lahu ka nishan miTe kaise
suna raha huun kahani hazar raton ki
ki shahzade ke sar se sinan haTe kaise
hisab ḳhuub rakha tum ne apni lagat ka
mire nisab men sud-o-ziyan chale kaise
har ek shaḳhs tumhari tarah nahin hota
koi kisi se mohabbat kahan kare kaise
jahan bhi shaam hui ghar bana liya apna
makan bahut the magar be-makan rahe kaise
‘anis’ tum to bahut tez chaal chalte the
zara hamen bhi batao miyan gire kaise
Leave a Reply