Tumhaare Shahar Mein Tha Bhi to Ek Musafir Main

Zafar Zaidi

tumhare shahar men tha bhi to ik musafir main

so thak ke baiTh gaya raste men aḳhir main

main har lihaz se sairab tha ḳhuda ki qasam

ye aur baat ki pyasa raha ba-zahir main

huruf milte hi avaz Duub jaati hai

jo chup rahun na batao to kya karun phir main

kisi bhi samt bhaTakta phirun yamin-o-yasar

talash raah karun bhi to kis ki ḳhatir men

miri ḳhushi ko yahi rabt bahami hai bahut

mira mughanni hai vo aur us ka sha.ir main

ye khel ḳhatm bana har-jit ke hoga

ki jis hunar men vo yakta usi men mahir main

hazar bandha gaya mujh pe a.inon ka hisar

kisi pe apne alava hua na zahir main