Poet
tumhare ba.ad tumhi tum rahe ho ankhon men
tumhari to mire ḳhvabon talak rasa.i rahi
sab as-pas the lekin nazar nahin aa.e
ta.alluqat pe itni smog chha.i rahi
tiri ḳhuda.i ko ham dekh hi nahin paa.e
ki ham pe to tire bandon hi ki ḳhuda.i rahi
safar kaTe ki nahin naqsh-e-pa rahe lekin
ḳhayal-o-ḳhvab rahe rangat-e-hina.i rahi
ye kaisa ḳhvab tha ‘zishan’ zindagi apni
ye kaisi dhun mire charon taraf sama.i rahi
Leave a Reply