Mughni Tabassum
main ek andhe kuen ka qaidi kise milunga
kahan mujhe DhunDhne chali hai najat meri
ḳhajalat-e-darguzar se lab par dua na Thahri
dar-e-sama.at se lauT aa.i hai raat meri
main kis ke qaul o qarar se apne ashk pochhun
mukar ga.i hai ḳhud apne vadon se zaat meri
hai tishnagi ka naya hi ik za.iqa labon par
sarab andar sarab gardan hayat meri
tanab-e-ḳhema ke TuTne tak qayam mera
ki shaḳh-e-ahu pe aaj bhi hai barat meri
Leave a Reply