tumhara hijr mana luun agar ijazat ho
main dil kisi se laga luun agar ijazat ho
tumhare ba.ad bhala kya hain va.ada-o-paiman
bas apna vaqt ganva luun agar ijazat ho
tumhare hijr ki shab-ha-e-kar men janan
koi charagh jala luun agar ijazat ho
junun vahi hai vahi main magar hai shahr naya
yahan bhi shor macha luun agar ijazat ho
kise hai ḳhvahish-e-marham-gari magar phir bhi
main apne zaḳhm dikha luun agar ijazat ho
tumhari yaad men jiine ki aarzu hai abhi
kuchh apna haal sambhalun agar ijazat ho
Leave a Reply