Zahida Zaidi
kahan tak kavish-e-isbat-e-paiham
kahan tak zakhm-e-dil tadbir-e-marham
sukut-e-shab hujum-e-na-umidi
shumar-e-dagh-ha-e-zist aur ham
kabhi aalam ghubar-e-chashm-e-hairan
kabhi vo ik nigah aur ek aalam
badhao jurat-e-afkar ki lau
abhi hai garmi-e-bazm-e-junun kam
dahakne do abhi daghon se mahfil
chhalakne do abhi paimana-e-gham
ye kis manzil pe le aai tamanna
ki bas ik dard-e-tanhai hai mahram
Leave a Reply