Tum Us Se duri Bhi Mat Khwah-Makhwah Mein Rakhna

Mahmooda Gaziya

tum us se duuri bhi mat khvah-makhvah men rakhna

bas ehtiyat si ik rasm-o-rah men rakhna

tum apne rang nahao tum apni mauj udo

magar hamari vafa bhi nigah men rakhna

qubul gar na kare vo to kya hamen sar-e-sham

gulab mahfil-e-zill-e-ilah men rakhna

jo raas aai use masnad-e-shahi to suno

shikasta chudiyan ab razm-gah men rakhna

bada azaab hai mahmuda-‘ghaziya’ hijrat

mire khuda mujhe apni panah men rakhna