Tum Munh Laga Ke Ghairon Ko Maghrur Mat Karo

Poet

tum munh laga ke ghairon ko maghrur mat karo

lag chalna aise deson se dastur mat karo

tasve baha ke har ghadi zaari nahin hai khuub

ye raz-e-ishq hai use mashhur mat karo

har-chand dil dukhana kisi ka bura hai par

ranjida khatiron ko to ranjur mat karo

ai hamdamo jo mujh se hai manzur ikhtilat

juz zikr-e-yar tum koi mazkur mat karo

raushan rakho jahan men maula misal-e-mehr

chanda ke munh se nuur ko tum duur mat karo