tum mil ga.e to koi gila ab nahin raha
main apni zindagi se ḳhafa ab nahin raha
pahle miri nigah men duniya haqir thi
main apne sathiyon se juda ab nahin raha
ab bhi usi daraḳht ke niche milenge ham
saaya agarche us ka ghana ab nahin raha
tere qadam ne jaan kahani men Daal di
qissa hamara be-sar-o-pa ab nahin raha
ab meri apne aḳhiri dushman se jang hai
maidan men koi mere siva ab nahin raha
ham ko usi dayar ki miTTi hui aziiz
naqshe men jis ka nam-pata ab nahin raha
Leave a Reply