tum ḳhud hi mohabbat ki har ik baat bhula do
phir ḳhud hi mujhe tark-e-mohabbat ki saza do
himmat hai to phir saara samundar hai tumhara
sahil pe pahunch jaao to kashti ko jala do
iqrar-e-mohabbat hai na inkar-e-mohabbat
tum chahte kya ho hamen itna to bata do
khul jaa.e na ankhon se kahin raz-e-mohabbat
achchha hai ki tum ḳhud mujhe mahfil se uTha do
sachcha.i to ḳhud chehre pe ho jaati hai tahrir
da.ave jo karen log to a.ina dikha do
insan ko insan se taklif hai ‘aḳhgar’
insan ko tajdid-e-mohabbat ki dua do
Leave a Reply