tuk ik insaf kar itni bhi karta hai jafa koi
karega baad mere kis tavaqqoa par vafa koi
nazar aata nahin sabit gareban ek ghunche ka
chaman par ye sitam karta hai ai bad-e-saba koi
gul-o-lala se shor-angez-tar haigi hina teri
na ho divana kyuun kar dekh tere dast-o-pa koi
ajab saj se kiya hai qatl mujh ko is ko mat toko
talab karta hai aise qatilon se khun-baha koi
guzar ja vasl se gar hijr men dekhe raza us ki
mohabbat men ‘yaqin’ leta hai nam-e-muddaa koi
Leave a Reply