Tuk baiTh Tu Ai shoKH-E-Dil-Aram Baghal Mein

Tuk baiTh tū ai shoḳh-e-dil-ārām baġhal meñ

aa.e nahīñ is dil ko bhī ārām baġhal meñ

kyuuñ kar ke na gulḳhan kī tarah aah jaleñ ham

ik aag hai yaañ jis kā hai dil naam baġhal meñ

sar rakh ke garebān meñ kar sair jahāñ kī

ā.īna tire jeb meñ hai jaam baġhal meñ

kis tarah ‘razā’ tū na ho rusvā-e-zamāna

jab dil sā tire baiThā ho badnām baġhal meñ

Leave a Comment