tujh se qarib-tar tiri tanha.iyon men huun
dhaḌkan huun tere qalb ki gahra.iyon men huun
dukh hai ki teri zaat men shamil tha main kabhi
aur aaj tere jism ki parchha.iyon men huun
ḳhud-bin na ban baghaur zara aa.ina to dekh
main bhi to tere husn ki ra.ana.iyon men huun
laTka huun main salib pe har ahd ki tarah
is jurm par ki vaqt ki sachcha.iyon men huun
jab se gira huun us ki nigahon se ai ‘zafar’
har bazm men haqir huun rusva.iyon men huun
Leave a Reply