Shahryar
tujh se bichhḌe hain to ab kis se milati hai hamen
zindagi dekhiye kya rang dikhati hai hamen
markaz-e-dida-o-dil tera tasavvur tha kabhi
aaj is baat pe kitni hansi aati hai hamen
phir kahin ḳhvab o haqiqat ka tasadum hoga
phir koi manzil-e-be-nam bulati hai hamen
dil men vo dard na ankhon men vo tughyani hai
jaane kis samt ye duniya liye jaati hai hamen
gardish-e-vaqt ka kitna baḌa ehsan hai ki aaj
ye zamin chand se behtar nazar aati hai hamen
Leave a Reply