Hasan Abbas Raza
tujh se bichhaḌ ke samt-e-safar bhulne lage
phir yuun hua ham apna hi ghar bhulne lage
qurbat ke mausamon ki ada yaad rah ga.i
guzri rafaqaton ka asar bhulne lage
azbar hain yuun to kucha-e-janan ke sab nishan
lekin ham us ki rahguzar bhulne lage
pahunche the ham bhi shahr-e-tilismat men magar
vo ism jis se khulna tha dar bhulne lage
ham gosha-gir bhi the kisi mahr ki misal
ojhal hue udhar to udhar bhulne lage
jan-e-‘hasan’ ab is se ziyada main kya kahun
mar ja.un teri yaad agar bhulne lage
Leave a Reply