Tujhko Takta Rahta Hun

tujh ko taktā rahtā huuñ

maiñ bhī tere jaisā huuñ

vo miTTī ho jaatā hai

jis ko haath lagātā huuñ

maiñ miTTī ke ḳhvāboñ se

ishq banā ke baiThā huuñ

aap ko chhāñv mubārak ho

maiñ to peḌ ugātā huuñ

maiñ kāñch kā chhoTā sā ghar

kis ke liye banātā huuñ

koī mujh se baat kare

har ik kā muñh taktā huuñ

tum hī tum to hote ho

jab maiñ ḳhud meñ hotā huuñ

Leave a Comment