ishq ke baab men kirdar huun divane ka
main na aghaz na anjam huun afsane ka
kuchh nahin naqd-e-junun apna ba-juz dagh-e-alam
yuun to har zarra guhar-tab tha virane ka
husn bhi kahte hain tanvir-e-nazar ko kuchh log
sham.a bhi naam hai us bazm men parvane ka
shukr hai teri talab juzv-e-alam hai varna
mujh men tha hausla jiine ka na mar jaane ka
chahe jitna bhi tujhe dekh ke masrur ho dil
tu hi unvan hai gham-e-zist ke afsane ka
mushkil-e-ishq ko asan karo tum hi ‘na.im’
e.atibar is men hai apne ka na begane ka
Leave a Reply