Tujhe Pa Kar Kabhi Dekha Nahin Hai

tujhe pā kar kabhī dekhā nahīñ hai

nahīñ mālūm tū hai yā nahīñ hai

sabhī ḳhush-fahmiyoñ meñ mubtalā hoñ

koī tujh ko abhī samjhā nahīñ hai

qadam kyoñ aage baḌhte jā rahe haiñ

agar ye rāsta ghar kā nahīñ hai

bahut come log haiñ pahchān vaale

yahāñ har jism meñ chehra nahīñ hai

kahāñ hoñge hamāre ḳhvāb puure

yahāñ jannat vahāñ duniyā nahīñ hai

jo apne shahar ko jannat banā de

koī is shahar meñ aisā nahīñ hai

mile haiñ bārhā mid.hat se ham bhī

vo achchhā hai magar itnā nahīñ hai

Leave a Comment