Kaif Bhopali
tujhe kaun janta tha miri dosti se pahle
tira husn kuchh nahin tha miri sha.iri se pahle
idhar aa raqib mere main tujhe gale laga luun
mira ishq be-maza tha tiri dushmani se pahle
ka.i inqilab aa.e ka.i ḳhush-ḳhiram guzre
na uThi magar qayamat tiri kam-sini se pahle
miri sub.h ke sitare tujhe DhunDti hain ankhen
kahin raat Das na jaa.e tiri raushni se pahle
Leave a Reply