Dasht Mein Yar Ko Pukara Jae

dasht meñ yaar ko pukārā jaa.e

qais sāhab kā ruup dhārā jaa.e

mujh ko Dar hai ki piñjra khulne par

ye parinda kahīñ na maarā jaa.e

dil use shab kar sadā mat de

kaun aatā hai jab pukārā jaa.e

dil kī tasvīr ab mukammal ho

un kī jānib se tiir maarā jaa.e

laash maujoñ ko hukm detī hai

le chalo jis taraf kinārā jaa.e

dil to hai hī nahīñ hamārā phir

TuuT jaa.e to kyā hamārā jaa.e

ye tirā kaam hai na.e mahbūb

Dūbte shaḳhs ko ubhārā jaa.e

Leave a Comment