Tujhe Bhi Ishq Hua Hai Ye Kis Zamane Mein

tujhe bhī ishq huā hai ye kis zamāne meñ

nahīñ hai māl-e-mohabbat bhī dil-ḳhazāne meñ

milo ki baat baḌhe dekhte haiñ phir shāyad

zarā kahīñ se mohabbat juḌe fasāne meñ

hamārā aglā paḌāv to bas mohabbat hai

havas to aa.egī jānānāñ darmiyāne meñ

maiñ ik firāq-zada aur nayā nayā tirā ishq

so ḳhuub rañg jamegā na.e-purāne meñ

jo nāgavārā thā mujh ko use gavārā thā

to saal lag gayā us ko mujhe manāne meñ

Leave a Comment