Poet
tujh pe qurban ho jo sau baar kahan se la.un
ab vo dil ai nigah-e-yar kahan se la.un
sar hai apnon hi ke altaf-o-inayat se ḳham
tab-e-minnat-kash-e-aghyar kahan se la.un
sang-o-ahan ko bhi pighla de hararat jin kei
vo sulagte hue afkar kahan se la.un
zehn afsurda dil afgar pareshan ḳhatir
main gul-afshani-e-guftar kahan se la.un
jab hai mujh se mira saaya bhi gurezan ‘at.har’
phir koi hamdam-o-gham-ḳhvar kahan se la.un
Leave a Reply